Kryeministri izraelit Benjamin Netanyahu zhvilloi një bisedë telefonike me presidentin rus Vladimir Putin për të diskutuar luftën kundër Hamasit dhe situatën e zjarrit në rajon. Në këtë bisedë, Netanyahu shprehu pakënaqësinë e tij për qëndrimet e shprehura kundër Izraelit nga përfaqësuesit rusë në OKB dhe forume të tjera, duke kritikuar gjithashtu bashkëpunimin e rrezikshëm midis Rusisë dhe Iranit.
Kryeministri theksoi se çdo vend i goditur nga një sulm kriminal terrorist do të reagojë me forcë, siç ka bërë edhe Izraeli. Ai gjithashtu shprehu vlerësimin e tij për përpjekjet e Rusisë për të liruar një shtetas izraelit me shtetësi ruse dhe njoftoi se Izraeli do të përdorë të gjitha mjetet, diplomatike dhe ushtarake, për të liruar të gjithë pengjet.
Gjatë bisedës, Kryeministri i kërkoi Rusisë të ushtrojë presion mbi Kryqin e Kuq për të kontaktuar pengjet dhe për t’u ofruar ndihmë mjekësore.
