Një biznesmen italian, Massimo Ferro, 54 vjeç, ka ndërruar jetë vetëm 3–4 ditë pas një operacioni për ngushtimin e stomakut në spitalin privat Trita Hospital në Tiranë. Ferro kishte vendosur të trajtohej për obezitetin pas përpjekjeve të dështuara me dieta të ndryshme.

Sipas raportimeve, operacioni u krye më 18 dhjetor 2025, me procedurë laparoskopike. Fillimisht familjarët u njoftuan se gjithçka kishte shkuar mirë, por më 20 dhjetor gjendja e tij u përkeqësua, duke përfshirë temperaturë, ethe, glicemi të lartë dhe vështirësi në frymëmarrje. Më 22 dhjetor, Ferro pësoi arrest kardiak në klinikë dhe u transferua në QSUT, ku fatkeqësisht ndërroi jetë.

Familjarët denoncojnë se udhëzimet standarde italiane për analizat para operacionit nuk u respektuan dhe kërkojnë përgjigje për shkakun e vdekjes. Autoritetet italiane kanë nisur hetime për ngjarjen, ndërsa familja pret sqarime mbi përgjegjësinë e klinikës Trita Hospital.