Ministri i Brendshëm Bledi Çuçi ka njoftuar për mediat, vendimin që ka kaluar në mbledhjen e qeverisë, për mbylljen e shumicës së zyrave të gjendjes civile.

Që nga 1 Maji të gjitha shërbimet për qytetarët do të jepen online, ndërkohë që siç e ka paralajmëruar dhe më herët kryeministri Edi Rama, institucionet do ta kenë të ndaluar dhënien e dokumenteve fizike.

Çuçi tha më tej se administrata shtetërore do të plotësojë të gjitha dokumentet që i duhen qytetarit, në rast se ka aplikuar për shërbim në një prej dikastereve.

Bledi Çuçi: Sot miratuam në qeveri uljen e numrit të zyrave të gjendjeve civile, nga 390 në 150. Prej 1 Majit të gjitha shërbimet do të jenë online, dhe sportelet do të shërbejnë vetëm në ato raste kur ligji e do praninë fizike. Të gjitha institucionet e administratës publike, janë të detyruara që ti sigurojnë vetë shërbimet që do të duhet të marrin qytetarët.

E zëmë në rastin konkret, se një qytetar do një dokument nga Ministria e Arsimit, dhe i duhet një dokument mbështetës si cerfitikata. Është vetë ministria ajo që ka detyrimin për sigurimin e këtyre dokumenteteve.