Pasioni për Kupën e Botës 2026 nuk po shfaqet vetëm në stadiume, por edhe në botën e gastronomisë. Në Miami, një pastiçeri ka tërhequr vëmendjen e tifozëve me një ide të pazakontë: kroasantë në formë topi futbolli, të dekoruar me flamujt e kombëtareve pjesëmarrëse.

Brazili, Shtetet e Bashkuara, Argjentina, Meksika, Franca dhe Uruguai janë gjashtë kombëtaret që kanë shërbyer si frymëzim për këto ëmbëlsira të veçanta.

Por risia nuk është vetëm në pamje. Çdo kroasant ka një shije të ndryshme, të krijuar për të pasqyruar traditat gastronomike të vendit që përfaqëson. Kështu, tifozët mund të shijojnë jo vetëm atmosferën e Botërorit, por edhe një pjesë të kulturës së secilit vend.

Sipas shefes së pastiçerisë, ideja ka lindur me qëllimin për të bashkuar kulturën, ushqimin dhe emocionin e futbollit, duke krijuar një eksperiencë të veçantë për vizitorët gjatë turneut.

Miami, që është një nga qytetet pritëse të Botërorit 2026 dhe do të zhvillojë ndeshje të rëndësishme, përfshirë çerekfinalen dhe sfidën për vendin e tretë, i ka kthyer këta kroasantë në një nga atraksionet më interesante jashtë fushës së lojës.