Një ngjarje e rëndë ka ndodhur mbrëmjen e së martës në Bulqizë, ku tre persona mbetën të plagosur me thikë gjatë një konflikti mes familjarëve. Ngjarja ka ndodhur rreth orës 20:30, pas një sherri të çastit, kur tre shtetas janë shoqëruar në komisariat për sqarimin e rrethanave.

Pak minuta më pas, jashtë një lokali, familjarët e të shoqëruarve janë përfshirë në një përleshje fizike me tre persona të tjerë. Si pasojë e këtij konflikti, tre të rinj – Fluturim Tolle, 26 vjeç, Adhurim Koçi, 26 vjeç dhe Renaldo Dauti, 22 vjeç – u plagosën me mjete prerëse. Fluturim Tolle ndodhet në gjendje të rëndë shëndetësore dhe është transportuar për ndihmë të specializuar drejt Tiranës, ndërsa për dy të tjerët priten detaje për gjendjen e tyre.

Policia ka nisur kërkimin për dy autorët e dyshuar, J. C. dhe Y. Sh., ndërsa grupi hetimor po punon për zbardhjen e plotë të ngjarjes dhe dokumentimin e rrethanave.