Cristiano Ronaldo, ylli portugez i Al Nassr dhe një nga ikonat më të mëdha të futbollit modern, ka folur hapur për momentin e ardhshëm të karrierës së tij: daljen në pension. Në një intervistë për gazetarin anglez Piers Morgan në YouTube, Ronaldo pranoi se ky kapitull do të jetë emocionalisht sfidues.
“Dalja në pension? Do të jetë e vështirë, sigurisht. Ndoshta do të qaj, po… por unë jam një person i hapur,” – tha CR7.
Portugezi tregoi se e ka përgatitur veten për këtë moment që në moshën 25-27 vjeç dhe shpreson të përballojë presionin që vjen me ndryshimin e karrierës. Ai theksoi se ndjenja e golit dhe adrenalina e futbollit janë të paarritshme, megjithatë çdo gjë ka një fillim dhe një fund.
Ronaldo shtoi se për më shumë kohë me familjen dhe rritjen e fëmijëve do të jetë një nga përfitimet e kapitullit të ri të jetës së tij jashtë fushe.
Ylli portugez nuk la pa përmendur edhe situatën e vështirë të Manchester United, klubit të zemrës së tij, duke theksuar nevojën për strategji të zgjuar dhe investim në talentet e reja për të ndërtuar një të ardhme të qëndrueshme.
Ky moment tregon një tjetër anë të Cristiano Ronaldos: jo vetëm një golashënues legjendar, por edhe një njeri që mendon për pasqyrën e jetës së tij jashtë futbollit.
