Ngjarja e rëndë që ndodhi mbrëmjen e djeshme në rezidencën “Long Hill” në Tiranë ka tronditur opinionin publik, ku 19-vjeçari Kristi Fufi, djali i ish-deputetit Mhill Fufi, u dhunua me sende të forta brenda një lokali. Deri tani, Policia ka identifikuar vetëm një prej autorëve të dyshuar, Kliton Sulçen, 38 vjeç, i njohur si “boss-i” i Call Centerave në kryeqytet.

Sulçe është proceduar penalisht në gjendje të lirë për dyshimin se ka goditur dhe kërcënuar me jetë 19-vjeçarin, Kristi Fufi. Policia ka bërë të ditur se janë referuar materialet në Prokurori dhe po vazhdojnë hetimet për identifikimin dhe arrestimin e personave të tjerë të përfshirë në këtë ngjarje.

Burime të afërta me hetimet thonë se shkaku i konfliktit mes tyre ka qenë një provokim i bërë nga Kristi Fufi, i cili ka xhiruar gomat e makinës pranë autorëve dhe më pas është futur në rezidencën “Long Hill”, ku ndodhi dhuna.

Hetimet janë ende në vazhdim për zbardhjen e plotë të ngjarjes dhe identifikimin e personave të tjerë të përfshirë.