Përplasja mes influencueses së njohur Dea Mishel dhe deputetes socialiste Zegjine Çaushi është përshkallëzuar në rrjetet sociale.

Përmes disa postimeve në “Instagram”, Dea Mishel ka publikuar mesazhet dhe postimet që, sipas saj, janë bërë nga deputetja, duke i cilësuar si ofendime dhe bullizim publik.

Influencuesja u ka bërë thirrje ndjekësve të saj që të shprehin mendimin për deputeten në komentet e postimit të saj, duke theksuar se në profilin e Zegjine Çaushit komentet janë të mbyllura.

“Meqë po bullizohem aktivisht nga një deputete, tregojini pak në komente këtu se ça mendimi keni, se te profili i saj ka mbyllur komentet dhe na bën block. Edi Rama do na përgjigjesh ti, apo do lësh këta xholat që i përdor për shpërqendrim?”, ka shkruar Dea në reagimin e saj.

Por nuk ka munguar as ironia. Në një tjetër postim, ajo ka sfiduar publikisht deputeten me një mesazh thumbues:

“Do t’jap 10.000 euro po e lexove dot këtë numrin me zë të lartë: 574.673.902.987. XO, Dea Michelle”.

Debati mes dy figurave ka ngjallur reagime të shumta në rrjetet sociale, ndërsa postimet e Dea Mishel po shpërndahen gjerësisht nga ndjekësit e saj. Deri tani, nuk ka pasur një reagim publik nga Zegjine Çaushi lidhur me deklaratat e fundit të influencueses.