Presidenti i zgjedhur i Shteteve të Bashkuara, Donald Trump, ka kritikuar ashpër autoritetet amerikane dhe agjencitë e zbatimit të ligjit pas sulmit tragjik në New Orleans. Përmes një postimi në platformën e tij Truth Social, Trump deklaroi se agjencitë si FBI dhe Departamenti i Drejtësisë kanë dështuar në mbrojtjen e qytetarëve amerikanë.
“SHBA-të po shkatërrohen – një erozion i dhunshëm i sigurisë, sigurisë kombëtare dhe demokracisë po ndodh në të gjithë vendin tonë,” shkroi Trump. Ai shtoi se vendi ka “lidership praktikisht jo-ekzistent” dhe bëri thirrje për një përfshirje më aktive të CIA-s në adresimin e këtyre sfidave.
“CIA duhet të përfshihet, TANI, para se të jetë tepër vonë,” vijoi ai në postimin e tij.
Trump theksoi nevojën për “forcë dhe lidership të fuqishëm” për të ndaluar përkeqësimin e situatës dhe mbylli mesazhin me sloganin e tij të njohur: “BËJË AMERIKËN SË MADHE SËRISH”.
Ky reagim vjen në një moment kritik për sigurinë e brendshme në SHBA, pas ngjarjeve që kanë tronditur opinionin publik dhe kanë ngritur pikëpyetje mbi efektivitetin e agjencive të sigurisë.
