Në dosjen hetimore zbardhen komunikime të drejtpërdrejta mes Inez Hajrullës dhe Ervis Matodashajt, ku diskutohet për vendndodhje personash të dyshuar si pjesë e grupeve rivale në Vlorë.

Sipas materialeve të dosjes, palët shkëmbejnë mesazhe për lëvizjet e “Doqes”, “Cipuas” dhe “Gecos”, ndërsa në komunikim shfaqet edhe një klimë tensioni dhe paralajmërimesh për rrezik të menjëhershëm.

Në një nga mesazhet e publikuara në dosje thuhet:

“Hic vlla ktu… n hotel… kujdes mos dil fare vlla… jan gati ata rop*irat per dem…”

Ndërsa në një tjetër pjesë të bisedës mes tyre shkëmbehen informacione për identifikimin e personave dhe vendndodhjet e tyre:

“E ke perball me Landin e frenave… trazballkanike vlla…”

“Ai gecua e ka pas shpin… te pallat, kati 5… do pyesh njeher kokuq…”

Sipas dosjes, Hajrulla kërkon gjithashtu informacion për “Geco”-n, duke i kërkuar Matodashajt të sigurojë të dhëna për vendndodhjen e tij:

“Ate gecon shiko…”

Nga ana tjetër, në komunikime shfaqen edhe paralajmërime për rrezik dhe lëvizje të mundshme të palës tjetër:

“Jan gati ata… per dem…”

Hetimet e cituara në dosje e lidhin këtë komunikim me një periudhë përplasjesh mes grupeve kriminale në Vlorë, ku në qendër të konfliktit dyshohet të kenë qenë persona të identifikuar me nofka dhe rrjete të ndryshme shoqërore.

Në dosje përmendet edhe ekzekutimi i Gentjan Qarr-it më 6 shkurt 2021 në lagjen “29 Nëntori” në Vlorë, i cili sipas hetimeve u qëllua me breshëri armësh dhe ndërroi jetë në spital.

Autoritetet po vijojnë analizimin e komunikimeve për të zbardhur rolin e secilit person dhe lidhjet mes tyre në ngjarjet kriminale të asaj periudhe.