Qeveria shqiptare po përgatit një program të ri mbështetës për bizneset e vogla dhe të mesme, të quajtur “Dyfisho sipërmarrjen tënde”, një nismë e prezantuar nga kryeministri Edi Rama.
Sipas planit, brenda këtij muaji pritet të finalizohet marrëveshja mes Banka e Shqipërisë, bankave të nivelit të dytë dhe qeverisë, duke hapur rrugën për lançimin e programit.
Skema parashikon krijimin e një linje kredie të mbështetur nga shteti, me norma interesi më të ulëta se ato të tregut, për të lehtësuar aksesin në financim për sipërmarrjet që hasin vështirësi në kreditim.
Financimi do të arrijë deri në 2 milionë euro për projekt, duke synuar të ndihmojë rritjen dhe zgjerimin e aktiviteteve ekonomike në sektorë të ndryshëm.
Programi nuk do të jetë i aksesueshëm për kompanitë e mëdha, por do të fokusohet te startup-et, ndërmarrjet e vogla dhe të mesme, punishte artizanale dhe agroturizme që kërkojnë të investojnë dhe të zhvillohen.
Qëllimi i kësaj nisme është të mbështesë bizneset me ide konkrete dhe potencial rritjeje, duke u dhënë një shtysë në një kohë kur kushtet e tregut mbeten sfiduese për sigurimin e financimeve.
