Familjarët e 30-vjeçarit Endri Goxhaj, i vrarë pak ditë më parë në Memaliaj, kanë rrëfyer dhimbjen e thellë dhe kanë kërkuar zbardhjen e plotë të ngjarjes.

Babai i tij, Astrit Goxhaj, i cili është invalid, ka treguar përpjekjet e shumta që ka bërë për të rritur të birin, duke punuar në kushte të vështira për t’i siguruar një të ardhme më të mirë. “Gjithçka e bëra për të, tani gjithçka u shemb,” është shprehur ai mes dhimbjes.

Edhe nëna e viktimës ka kërkuar drejtësi, duke deklaruar se djali i saj dyshohet se ndiqej prej kohësh dhe se autorët e kanë pasur nën vëzhgim para se të kryhej krimi. Ajo apelon që përgjegjësit të përballen me ligjin dhe të marrin dënimin e merituar.

Familja kërkon që hetimet të thellohen dhe ngjarja të mos mbetet e pazbardhur, ndërsa thekson se vetëm drejtësia mund t’u japë sadopak qetësi në këtë humbje të rëndë.