Kanë mbërritur në Pallatin e Brigadave Presidenti i Serbisë Aleksandër Vuçiç dhe kryeministri i Maqedonisë Zoran Zaev.

Ka qenë kryeministri Edi Rama ai që i ka pritur në hyrje të Pallatit të Brigadave, ndërkohë që dy liderët e shteteve ballkanike kanë mbërritur në të njëjtën kohë.

Vuçiç dhe Zaev kanë mbërritur gjatë ditës së djeshme në vendin tonë, dhe mbrëmë atyre iu rezervua një darkë në Elbasan, në resortin privat të biznesmenit Gjergj Luca.

Vizita e tyre u shoqërua me një protestë të thirrur në Tiranë nga ish-kryeministri Sali Berisha.

Marrëveshjet që pritet të nënshkruhen sot mes presidentit serb, kryeministrit Edi Rama, dhe kreut të qeverisë së Malit të Zi, Zoran Zaev.

11:30 Ceremonia e firmave
Marrëveshje mbi kushtet për lëvizjen e lirë në tregun e punës në Ballkanin Perëndimor

Niveli i Firmëtarëve: Liderët
Marrëveshje për interkoneksionin e skemave për identifikim elektronik të qytetarëve të Ballkanit Perëndimor.

Niveli i firmëtarëve: Liderët
Marreveshje mbi bashkëpunimin në fushën e veterinarisë, ushqimin dhe sigurinë ushqimore dhe kushtet fitosanitare në Ballkanin Perëndimor.

Niveli i Firmëtarëve: Ministri i Bujqësisë
Marrëveshje mes qeverisë së Republikës së Serbisë dhe Këshillit të Ministrave të Republikës së Shqipërisë në njohjen e përbashkët të operimeve ekonomike mes vendeve- siguria dhe autorizimet e sigurisë(AEOS)

Niveli i Firmëtarëve: Ministri i Ekonomisë dhe Financave
Marreveshje mes qeverisë së Republikës së Maqedonisë së Veriut dhe Këshillit të Ministrave të Shqipërisë në njohjen e përbashkët të operimeve ekonomike mes vendeve- siguria dhe autorizimet e sigurisë(AEOS)

Niveli i Firmëtarëve: Ministri i Ekonomisë dhe Financave

Folës gjatë punimeve të samitit

-Kryeministri Edi Rama

-Ines Muçostepa, Antoni Peshev.