Make-up artistja Edita Abazi ka komentuar sjelljen e Bia-s gjatë qëndrimit në shtëpinë e “Big Brother VIP Kosova”. Në emisionin “Big Talk” në Klan Kosova, Abazi tha se e kupton shumë mirë gjuhën shqipe, por shpesh bën sikur nuk e kupton vetëm kur i shkon për shtat.

“Për mua personalisht, Bia si lojtare nuk më ka pëlqyer. Prej rrëfimit që kam dëgjuar mbrëmë, më ka hyrë në qejf dhe besoj se ajo nuk është ashtu siç duket. Rrëfimi i saj tregon se është një person që tërheq vëmendjen e të tjerëve, por problemi nuk është në gjuhë, sepse ajo e kupton shumë mirë shqip. Kam vërejtur që kur i konvenon, e kupton, por kur nuk i konvenon, bën sikur nuk e kupton”, tha Abazi.

Komentet e saj shtojnë diskutimin rreth sjelljes së konkurrentëve dhe strategjive të lojës brenda shtëpisë më të ndjekur të Kosovës.