36.5 C
Tiranë
Saturday, June 22, 2024
spot_img

Enkelejda Danaj varroset në Vlorë, pas vrasjes së mizore në Athinë, ish- bashkëshorti nuk lejon djalin

Enkelejda Danaj, 40-vjeçarja e cila u vra mizorisht më 16 maj nga ish-bashkëshorti i saj në mes të rrugës në Athinë, do të varroset sot në Vlorë, në vendlindjen e saj. Familja e saj ka hapur dyert e mortit, ndërsa për të tërhequr trupin, në Greqi ka shkuar babai i 40-vjeçares.

Enkelejda Danaj u vra nga ish-bashkëshorti i saj, Artur Dani, i cili e qëlloi të paktën 10 herë me thikë në Menidi dhe më pas u largua nga vendi i ngjarjes. Ata ishin ndarë prej 1 viti e gjysmë, dhe 40-vjeçarja kishte denoncuar të paktën tre herë rastet e dhunës, por ai ishte arrestuar dhe lënë i lirë.

Pas arrestimit, 50-vjeçari tha se nuk ishte penduar, pasi gruaja e tij kishte prej vitesh lidhje jashtëmartesore. “Nuk mund ta shihja të dashurin e saj duke drejtuar makinën dhe fotot e tij në Facebook“, tha ai.

Ndërkohë, daja i Enkelejdës ka hapur dyert e mortit, ndërsa mediat greke shkruajnë se 50-vjeçari nuk ka dhënë pëlqimin që djali i tij i mitur të marrë pjesë në varrimin e nënës së tij në Shqipëri.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT