Kryetari i Bashkisë së Tiranës, Erion Veliaj, inkurajoi qytetarët të regjistrohen në procesin e censusit në një takim me administratorët e njësive të kryeqytetit. Ai bëri thirrje për pjesëmarrje masive, duke theksuar se identifikimi i popullsisë së Tiranës është një sfidë e rëndësishme për investimet e ardhshme. Veliaj gjithashtu prezantoi një numër telefoni për ata që nuk janë në shtëpi për të prenotuar takim për regjistrim.

“Duke pasur parasysh se në Tiranë jeton shumica e popullsisë së Shqipërisë, sfida më e madhe është që Tirana të identifikohet dhe numërohet e tëra. Afati që na dha qeveria, deri në 15 nëntor, është një ditar që duhet maksimizuar nga secili prej nesh. Për ata që nuk kanë rastisur në shtëpi, kemi një numër telefoni – 0800 22 44 – ku mund të prenotojnë takimin në kohën e lirë,” tha Veliaj.

Ai theksoi rëndësinë e përdorimit të këtyre pak ditëve të mbetura për të siguruar një regjistrim sa më të plotë. Kryebashkiaku renditi disa zona në Tiranë që kanë zhvilluar dhe populluar shumë, duke përfshirë zonat si Njësia 7, Kashari, Astiri, Qyteti Studenti, Sauku, Farka, Bulevardi i Ri dhe zonat ku strehohen familjet e prekura nga tërmeti në Kinostudio dhe Kombinat. Veliaj nënvizoi se çdo derë duhet të jetë e hapur për regjistrim dhe se sensi duhet të përfshijë çdo rezidencë në kryeqytet.