Një fenomen i rrallë ndriçues është regjistruar mbi Mbretëria e Bashkuar, ku një top zjarri me ngjyrë të gjelbër ka përshkuar qiellin pak pas mesnatës, duke u parë në disa rajone dhe duke shkaktuar reagime të shumta nga qytetarët.

Pamjet e publikuara nga kamerat e sigurisë dhe qytetarët tregojnë objektin që ndriçon fuqishëm qiellin e natës, duke e kthyer për disa sekonda natën në një dritë të fortë jeshile.

Shumë dëshmitarë fillimisht e kanë ngatërruar fenomenin me fishekzjarr, ndërsa më pas është konfirmuar se bëhej fjalë për një meteor që ka hyrë në atmosferë me shpejtësi të lartë.

Sipas shpjegimeve shkencore, fenomeni i njohur si “bolid” ndodh kur një trup qiellor digjet gjatë rihyrjes në atmosferë për shkak të fërkimit me ajrin, duke prodhuar ndriçim intensiv dhe shpesh ngjyra të pazakonta.

Ngjarja është bërë virale në rrjetet sociale, ku përdoruesit kanë ndarë video dhe komente mbi pamjen e pazakontë në qiell.