Transmetimi i fundit i formatit televiziv “Ferma VIP” është shoqëruar me momente tensioni, pas skualifikimit të konkurrentit Adion nga gara.

Menjëherë pas largimit të tij nga shtëpia, situata u përshkallëzua gjatë komunikimit të moderatores Arbana Osmani me banorët, ku partnerja e Adionit, Ola, përdori fjalor ofendues ndaj saj. Ngjarja ndodhi në momentin e transmetimit live, duke krijuar një atmosferë të ngarkuar në studio.

Gjatë këtij komunikimi, kamerat kanë fokusuar edhe reagimin e Adionit, i cili po ndiqte zhvillimet nga paneli i studios. Në pamje ai shfaqet i habitur, me duart në fytyrë, ndërsa ndjek me vëmendje situatën që po zhvillohej në transmetim.

Ky episod ka gjeneruar reagime të shumta në rrjetet sociale, ku është komentuar gjerësisht si një nga momentet më të papritura dhe të tensionuara të këtij sezoni të formatit televiziv.