Që nga dita e djeshme, Tirana është e mbushur me tifozë dhe turistë të shumtë, të cilët kanë ardhur për të parë finalen e Conference League që do të luhet në Air Albania në orën 21:00 mes Romës dhe Feyenoord.
Në sheshin “Skënderbej” të shumtë janë turistët vendas dhe të huaj të cilët presin në radhë për të bërë foto me kupën e Conference League, e cila është vendosur në qendër.
E nga ana tjetër tifozët e ekipit holandez të Feyenoord kanë mbushur Pedonalen, zonë e dedikuar enkas për ta për të ndjekur ndeshjen e finales së Conference League, duke festuar me birra dhe duke kërcyer.
