Një fotografi e vjetër që po qarkullon në rrjetet sociale ka rikthyer vëmendjen te një nga banorët më të rinj të “Ferma VIP”, Klodi Dedja.

Në imazh, Dedja shfaqet përkrah aktores dhe regjisores së njohur shqiptare Ema Andrea, çka ka mjaftuar që në rrjet të nisin diskutime dhe aludime për një raport të mundshëm mes tyre në të kaluarën.

Sipas komenteve të përdoruesve online, dyshohet se mes tyre mund të ketë pasur një lidhje sentimentale, megjithëse nuk ekziston asnjë konfirmim publik nga vetë personat e përfshirë. Fotoja, e cila i përket një periudhe të shkuar, ka mjaftuar megjithatë për të nxitur kuriozitet dhe reagime të shumta.

Klodi Dedja, i cili është një nga hyrjet e reja të formatit “Ferma VIP”, ka tërhequr vëmendjen që në ditët e para të spektaklit me stilin e tij artistik dhe sjelljen në ekran. Ky detaj i ri nga e kaluara e tij vjen në një moment kur ai po ndërton profilin e tij publik brenda formatit, duke shtuar edhe më shumë interes rreth figurës së tij për publikun.