Pas ditëve të festimeve për dasmën dhe muajit të mjaltit në Itali, Dua Lipa i është rikthyer menjëherë angazhimeve profesionale.

Këngëtarja shqiptaro-britanike është fotografuar teksa largohej nga Electric Lady Studio në New York, ku duket se po punon për projekte të reja muzikore.

30-vjeçarja tërhoqi vëmendjen edhe me paraqitjen e saj elegante, duke zgjedhur një xhaketë të kuqe të ndezur nga Ralph Lauren, të kombinuar me një këmishë të bardhë, xhinse të çelëta dhe çizme të zeza me platformë. Pamjen e kompletoi me një shami të kuqe në kokë dhe syze dielli.

Dua u shfaq e buzëqeshur dhe në humor të mirë, teksa përshëndeti fansat përpara se të largohej nga studioja.

Ndërkohë, bashkëshorti i saj, aktori Callum Turner, u fotografua në një tjetër zonë të New York-ut, ku po shijonte një darkë me një mik në Cafe Cluny.