G Bani ka ndarë me ndjekësit një video emocionuese ku shfaqet pranë babait të tij, duke konfirmuar se ai tashmë është jashtë rrezikut për jetën.

Në mesazhin e tij, ish-banori i “Big Brother VIP Albania” shprehu mirënjohjen për të gjithë ata që e kanë mbështetur gjatë kësaj periudhe të vështirë. Ai falënderoi të gjithë ata që i kanë shkruar mesazhe mbështetëse dhe veçanërisht ekipin mjekësor që u kujdes për shëndetin e babait të tij.

Kujtojmë se G Bani u largua nga formati televiziv menjëherë pas marrjes së lajmit për gjendjen e rëndë të babait të tij në Londër. Pas disa ditësh të mbushura me ankth, ai tani ka mundësinë të ndajë lajmin e mirë me ndjekësit, duke treguar se babai i tij është rikthyer në shtëpi dhe po shërohet.