Një ngjarje e rëndë është regjistruar mëngjesin e sotëm në kryeqytet, në rrugën e Dibrës, ku një punonjës i Gardës së Republikës është gjetur pa shenja jete në banesën e tij.
Viktima është identifikuar si Albert Gadica, 42 vjeç.
Sipas informacioneve paraprake nga Policia e Shtetit, dyshohet se ai i ka dhënë fund jetës duke përdorur armën e shërbimit.
“Më datë 27.05.2026, rreth orës 07:05, në banesën e tij, në Rrugën e Dibrës, është konstatuar pa shenja jete shtetasi A. G., rreth 42 vjeç, punonjës i Gardës. Nga veprimet e para hetimore dyshohet se është vetëvrarë me armën e shërbimit. Grupi hetimor nën drejtimin e Prokurorisë po kryen veprimet për sqarimin dhe dokumentimin e plotë të rrethanave të rastit”, thuhet në njoftim.
Grupi hetimor, nën drejtimin e Prokurorisë, po vijon punën për të zbardhur plotësisht rrethanat e ngjarjes.
