Një qytetar 42-vjeçar është gjetur i mbytur nga shërbimet policore në bregdetin e Borshit. Sipas një njoftimi paraprak nga policia, shtetasi D.E dyshohet se është mbytur aksidentalisht. 42-vjeçari, i cili vuante nga probleme të shëndetit mendor, kishte qenë i humbur për disa orë dhe po kërkohej nga familjarët.

Sipas informacionit paraprak të shpërndarë nga DVKM Vlorë, shtetasi D.E., banues në Borsh, u gjet në det dhe dyshohet se ka pësuar mbytje aksidentale. Grupi hetimor është në proces të sqarimit të plotë të rrethanave që lidhen me këtë ngjarje.