Pas shpërthimit me bombol gazi që tronditi Lezhën mbrëmjen e djeshme, pronari i lokalit pranë zonës së incidentit ka raportuar dëme të konsiderueshme në biznesin e tij. Ai shprehet se fasadat, frigoriferët, tavani dhe pajisje të tjera janë shkatërruar.

“Më është dëmtuar çdo gjë në biznes. Më kanë njoftuar shokët mbrëmë dhe më pas erdhi policia. Gjendja ishte katastrofë. Kur erdha mbrëmë, gjithçka kishte mbaruar. Fasadat dhe të tjera vetëm arrijnë rreth 5000 euro, pa llogaritur ekspresët dhe pajisjet e tjera. Çdo gjë ka dalë jashtë funksionit,” u shpreh pronari.

Autoritetet po vijojnë hetimet për sqarimin e plotë të rrethanave të shpërthimit dhe për vlerësimin e dëmeve materiale.