Pas humbjes së dytë radhazi të Real Madridit në La Liga kundër Osasunës, skuadra e Carlo Ancelottit përballet me një problem të madh tjetër: Rodrygo ka këputur ligamentin e kryqëzuar dhe do të mungojë të paktën gjashtë deri në shtatë muaj, njofton Marca.
Ky dëmtim vjen në një moment kritik, duke e lënë brazilianin jashtë fushës për pjesën më të madhe të sezonit dhe duke e bërë të pamundur pjesëmarrjen e tij në Kupën e Botës 2026, që do të mbahet në Shtetet e Bashkuara, Meksikë dhe Kanada.
Rodrygo, një nga sulmuesit kyç të “Los Blancos”, do të jetë i pamundur të ndihmojë skuadrën për të rikuperuar humbjet dhe për të mbrojtur titullin, duke u bërë një shqetësim serioz për Realin para sfidave të mëdha që vijnë.
