Faza e tretë e operacionit Tempulli ka ndaluar një grup prej 35 personash që shpërndanin drogë në lokalet e natës, afër shkollave dhe zona të tjera që frekuentohen nga të rinjtë në Tiranë. Pas 4 muajsh hetimesh, 20 persona janë arrestuar, 10 janë shpallur në kërkim, dhe 5 masa sigurie janë komunikuar në qeli.

Në mesin e personave të arrestuar është edhe Enea Sulejmani, i arrestuar më 22 mars në Rrugën e Kavajës për tentativë për të larguar agjentët e Antidrogës, duke transportuar 1 kg kokainë në makinë. Në makinë ishin edhe dy të tjerë, Igli Begaj dhe Shkëlqim Osteni, të cilët aktualisht ndodhen në burg.

Në grupin e trafikantëve të drogës është përfshirë edhe Ervis Shkurta, efektiv i RENA-s, i cili akuzohet për bashkëpunim me grupin dhe për njoftimin e tyre në momentin kur Sulejmani përplasi agjentët e Antidrogës.