Hillary Clinton do t’i bashkohet Universitetit të Kolumbisë si profesoreshë dhe anëtare presidenciale në çështjet globale, njoftoi sot universiteti.
Clinton do të bëhet profesoreshë e praktikës në Shkollën e Marrëdhënieve Ndërkombëtare dhe Publike dhe muajin e ardhshëm do të bëhet anëtare presidenciale në Columbia World Projects, tha presidenti i Kolumbisë, Lee C. Bollinger.
“Duke pasur parasysh talentet dhe kapacitetet e saja të jashtëzakonshme së bashku me përvojat e veçanta jetësore, Hillary Clinton është unike dhe, më e rëndësishmja, e jashtëzakonshme në atë që mund të sjellë në misionet e Universitetit – kërkim dhe mësimdhënie – së bashku me shërbimin publik dhe angazhimin për të mirën publike”, tha Bollinger.
