Një moment i paprecedentë ka ndodhur sot në Parlamentin Evropian, ku eurodeputeti danez Anders Vistisen iu drejtua presidentit amerikan Donald Trump me fjalë të forta, gjatë një debati mbi çështjen e Groenlandës.

“Zoti president, po jua them në një gjuhë që ta kuptoni: Ik P**dhu (Fuck off),” deklaroi Vistisen nga foltorja, duke shprehur kundërshtimin e tij ndaj çdo presioni të SHBA-ve për ishullin strategjik. Ndërprerja e menjëhershme nga drejtuesi i seancës për shkak të rregulloreve nuk e zmbrapsi mesazhin politik, i cili u perceptua qartë nga pjesëmarrësit.

Vistisen riafirmoi qëndrimin e Danimarkës dhe të një pjese të eurodeputetëve për sovranitetin dhe integritetin territorial të Groenlandës, duke theksuar se vendi nuk mund të ndikojë nga jashtë për vendimet e brendshme.

Deklarata e eurodeputetit vjen në një kohë tensionesh diplomatike, pas rikthimit të diskutimeve mbi planet e SHBA-ve për të kontrolluar Groenlandën, një çështje që ka shkaktuar debate të ashpra në Europë dhe në komunitetin ndërkombëtar.

Ky incident ka rikthyer vëmendjen mbi raportet transatlantike dhe mënyrën se si vendet evropiane po reagojnë ndaj ndërhyrjeve të mundshme strategjike të Shteteve të Bashkuara.