Pas mbledhjes së Këshillit Bashkiak në Bashkinë e Tiranës, Ilir Alimehmeti, kryetar i grupit të këshilltarëve të opozitës, ka deklaruar se institucionet e Bashkisë kanë rënë dhe se kjo është pasojë e mungesës së transparencës dhe lirisë së fjalës. Në një deklaratë të bërë jashtë Bashkisë, Alimehmeti theksoi se në mbledhjen e sotme kishte një mungesë të theksuar të këshilltarëve bashkiakë dhe të kryetares së Këshillit.
Ai nënvizoi se opozita nuk pati mundësinë të shprehte mendimin e saj dhe të diskutonte mbi situatën aktuale, duke shtuar se në mbledhje iu është mohuar e drejta e fjalës së lirë. Alimehmeti po ashtu e akuzoi kryetarin e Bashkisë, Erion Veliaj, për abuzim me fondet dhe theksoi se pas arrestimit të tij, Këshilli Bashkiak duhej të kishte marrë masa, duke thirrur një mbledhje emergjente për të diskutuar për të ardhmen e Bashkisë dhe për mundësinë e shkarkimit të Veliajt.
Është shumë e qartë që Bashkia e Tiranës po vuan thellë të abuzimit të fondeve, kjo për shkakun që tashmë e dimë shumë mirë, të zotit Veliaj që abuzoi për shumë vite e tani është i burgosur në Durrës.
Marrëveshja mes Shqipërisë dhe Emirateve të Bashkuara Arabe, Rama: Për herë të parë në histori do të jemi të pavarur me energji
Për këto arsye, Këshilli Bashkiak menjëherë duhet të kishte reaguar që prej arrestimit të tij, nuk e bëri.
Mund të kishte thirrur mbledhje emergjente, nuk e bëri.
Mund të kishte thirrur edhe mbledhje të zakonshme me rend dite, ku të diskutonte absolutisht këtë situatë që kemi, mungesën dhe për çfarë arsye vazhdon Erion Veliaj të drejtojë bashkinë.
Duhej debatuar nëse duhej shkarkuar nga ana e Këshillit Bashkiak apo jo.
Nuk e bëri, kërkoi opozita e bashkuar të futej debati për shkarkimin e Erion Veliaj dhe më tej do të hidhej me votë, jo nuk u lejua as fjala për procedurë.
Dhe fjala e lirë u mohua nga ana e nënkryetarit, zotit Hodaj, sepse dhe kryetarja e Këshillit Bashkiak sot mungonte, siç vumë re edhe shumë mungesa të tjera këshilltarësh bashkiakë brenda, duke e ditur fare mirë se për çfarë do të diskutohej.
Pra, sot ne jemi në kushtet kur një institucion bie sepse ka rënë kryetari i saj, sepse nënkryetari nuk është emëruar nga Këshilli Bashkiak dhe kjo është një temë tjetër shkelje.
Sepse kryesia e Këshillit Bashkiak nuk bën punën e vetë, që do të thotë, t’i japë fjalën përfaqësuesve të njerëzve. Secili nga ne është përfaqësues i njerëzve dhe secili ka të drejtën të marrë fjalën dhe të propozojë.
” tha Alimehmeti. Ai gjithashtu theksoi se debati për shkarkimin e Veliajt nuk u lejua të zhvillohej dhe se fjala e lirë u mohua nga nënkryetari i Këshillit, pasi edhe kryetarja e Këshillit mungonte në mbledhje.
Alimehmeti e përfundoi duke e cilësuar situatën si një shembull të dobësisë dhe shkeljeve në funksionimin e institucionit, duke shtuar se “një institucion bie kur kryetari i tij ka rënë dhe nënkryetari nuk është emëruar.”
