Gazeta “Zëri i Amerikës” raporton ekskluzivisht dënimin e Charles McGonigal, ish-zyrtarit të lartë të kundërzbulimit në FBI, i cili u dënua me 28 muaj burgim nga Gjykata federale e Uashingtonit për shkelje të besimit të publikut. McGonigal akuzohet për marrjen e 225 mijë dollarëve nga shqiptaro-amerikani Agron Nezaj dhe mosdeklarimin e kontakteve me zyrtarë të Shqipërisë, duke përfshirë kryeministrin Edi Ramën.

Prokurorët theksojnë se McGonigal jo vetëm nuk deklaroi marrjen e parave, por gjithashtu avancoi interesat e biznesit të Nezaj dhe gënjeu FBI-në për aktivitetet e tyre të përbashkëta, duke fshehur faktin e konfliktit të interesave dhe interesave financiare private. Kjo përbën në thelb korrupsion që minon transparencën dhe besimin në integritetin e Degës Ekzekutive të qeverisë, thuhet në dokument.

McGonigal do të fillojë dënimin me burg më 18 mars, sipas avokatit të tij. Ndërkohë, kryeministri shqiptar, Edi Rama, sfidoi drejtësinë amerikane duke “marrë” me vete Dorian Duçkën, i cili po hetohet nga SPAK si personazh i përfshirë në dosjen e ish-agjentit të FBI ku është implikuar edhe kryeministri Rama. Përderisa McGonigal u përfshi në telashe ligjore, Rama duket se ka zgjedhur rrugën e konfrontimit me drejtësinë amerikane.