Një operacion i koduar “Operacionalja 57” çoi në prangosjen e një shtetasi shqiptar të shpallur në kërkim ndërkombëtar nga autoritetet italiane.

Policia njofton se Fatjan Stafa, 39 vjeç, banues në fshatin Pjezë të Durrësit, u arrestua në fshatin Hardhisht të Shijakut, pas një aksioni të zhvilluar nga Forca e Posaçme Operacionale në bashkëpunim me DVP Durrës.

Stafa ishte dënuar nga Gjykata e Apelit e Firences, më 8 tetor 2024, me 7 vjet, 7 muaj e 12 ditë burg, për pjesëmarrje në një organizatë kriminale që merrej me trafikun e lëndëve narkotike.

Pas arrestimit, Interpol Tirana ka nisur procedurat për ekstradimin e tij drejt Italisë.

Ky operacion është pjesë e serisë së goditjeve të policisë ndaj personave të shpallur në kërkim ndërkombëtar.