Tiranë — Kryetari i Partisë Republikane, Fatmir Mediu, ka dhënë detaje mbi vizitën e pritshme të Sali Berishës në Shtetet e Bashkuara të Amerikës dhe pjesëmarrjen e tij në konventën e Partisë Republikane amerikane që do të zhvillohet në Dallas.
Përmes një lidhjeje direkte në një studio televizive, Mediu konfirmoi se ftesa për këtë aktivitet është zyrtare dhe lidhet me angazhimin e tyre ndërkombëtar:
> “Unë dhe zoti Berisha, bashkë me dy përfaqësues të tjerë që jemi anëtarë të ekzekutivit të IDU-së, kemi qenë të ftuar zyrtarisht në konventën republikane që do të zhvillohet në Dallas”, deklaroi Mediu.
>
Në zonën VIP me drejtuesit e lartë amerikanë
Mediu nëgjenoi se prania e tyre në këtë ngjarje politike do të jetë e një niveli të lartë përfaqësimi, duke u pozicionuar në sektorin kryesor të konventës:
> “Do të jemi në pjesën VIP të konventës. Do të jemi atje ku është pjesa e rëndësishme e konventës, me përfaqësuesit më të lartë”, u shpreh kreu i PR-së.
>
Takime me senatorë e kongresmenë
Përveç pjesëmarrjes në punimet e konventës, vizita në SHBA do të shoqërohet edhe me një axhendë takimesh zyrtare me figura të rëndësishme të politikes amerikane.
Sipas Mediut, gjatë qëndrimit atje janë parashikuar takime me përfaqësues të Kongresit, Senatit si dhe me zyrtarë të lartë të vetë Partisë Republikane amerikane.