Kryeministri i Li Qiang deklaroi se Pekini është i gatshëm të rrisë angazhimin e tij për paqe dhe stabilitet në rajonin e Gjirit, në një periudhë tensionesh të vazhdueshme në Lindjen e Mesme.

Deklarata u bë gjatë një takimi në Pekin me Princin e Kurorës së Khaled bin Mohamed bin Zayed Al Nahyan, i cili ndodhet për vizitë zyrtare me ftesë të palës kineze.

Sipas agjencisë shtetërore Xinhua, Li Qiang theksoi se Kina ka qenë në komunikim të vazhdueshëm me palët e përfshira në konflikt dhe mbështet përpjekjet për uljen e tensioneve dhe përfundimin e luftimeve.

Ai gjithashtu nënvizoi rëndësinë e sigurisë së projekteve dhe qytetarëve kinezë në rajon, duke i kërkuar Emirateve të Bashkuara Arabe të forcojnë masat mbrojtëse.

Në sfond të zhvillimeve, situata në Gjirin Persik mbetet e brishtë, ndërsa raportohen viktima dhe të plagosur nga përshkallëzimi i sulmeve në rajon.