Deputeti i Partisë Demokratike, Klevis Balliu, kritikoi ashpër procedurat në Kuvend lidhur me kërkesën e SPAK për arrestimin e zv.kryeministres Belinda Balluku. Ai theksoi se pas tre muajsh që nga paraqitja e kërkesës, raporti i Këshillit të Mandateve nuk ishte futur në rendin e ditës.
“Kam një kërkesë zoti kryetar, që të respektohet rregullorja e Këshillit të Mandateve që saktëson se në seancën më të parë mblidhet Parlamenti. Në atë dosje prokuroria ka treguar se eksponentë të krimit të shtetit kanë kërcënuar dëshmitarët. Kemi 3 muaj që vijmë vërdallë pasi është kërkuar heqja e imunitetit për Ballukun. Po i jepet kohë krimit të organizuar që të ndërrojë dëshmitë dhe të ndëshkojë dëshmitarët. Ose jemi në parlament, ose në narkoshtet, ndaj respektoni rregulloren,” tha Balliu.
Ai shtoi se kërcënimet shtrihen edhe brenda grupit parlamentar dhe kritikoi emërimin e zyrtarëve të caktuar në pozita të larta, duke paralajmëruar se drejtësia duhet të veprojë pa ndikime politike.
