Diplomati Agim Nesho ka ofruar një analizë të detajuar mbi Konferencën e Ambasadorëve “Diplo 2024” dhe prioritetet e shpallura nga kryeministri Edi Rama. Në një intervistë televizive, ish-ambasadori Nesho theksoi se, megjithë përparimet dhe eksperiencën që ka fituar diplomacia shqiptare gjatë viteve, ajo shpesh trajtohet si atribut i vetëm i liderit të qeverisë.

Nesho vlerësoi se kryeministri Rama, gjatë diskutimeve të djeshme, identifikoi aleatët kryesorë të Shqipërisë në Ballkan, duke përmendur Turqinë, Greqinë dhe Italinë. Ai e kritikoi Rama-n për qasjen e tij aventuriste në politikën e jashtme, duke sugjeruar se kryeministri ka vështirësi në tërheqjen nga marrëveshjet e krijuara me Aleksandër Vuçiçin në Novisad. Nesho theksoi se interaktiviteti me vendet e Ballkanit është i rëndësishëm, por duhet të bazohet në parimin e barazisë dhe jo të dominimit, siç ndodhi në rastin e ideve të Ballkanit të Hapur dhe mosnjohjes së Kosovës.

“Kryeministri bëri gabim se Shqipërinë e lidhi me iniciativat e Presidentit serb Vuçiç për të krijuar si ndryshimin e kufijve apo dhe idenë e Ballkanit të Hapur. Këto janë politika antikombëtare dhe kanë dëmtuar interesat e Shqipërisë dhe sidomos të Kosovës. Këto janë problemet kryesore. “Prandaj në qofse politika shqiptare funksionon në bazë të interesave personale të mbajtjes së pushtetit , këtë e pamë dhe nga prioritetet që vendosi Kryeministri që nuk foli aspak ose shumë pak për BE-në dhe SHBA-në por u morr gjithë kohës me vendet arabe. Rama I shikon këto si mundësi sikurse është rasti i investimeve arabe në portin e Durrësit”.“Ne po shikojmë që investitorët strategjik në Shqipëri ose janë klientët e kryeministrit ose janë vende të tjera që janë jashtë BE. Pra kjo tregon që gjithë koncepti i zhvillimit të diplomacisë është në funksion të mbajtjes të pushtetit kryeministror.Ligji i parë u bë po me iniciativë të vetë Kryeministrit por vetë ai e shkeli atë me emërimet politike që bëri për një sërë emërimesh diplomatësh.