Pyetje: Pse e krahasoni koston me Spanjën apo Gjermaninë ndërkohë që rrogat apo të ardhurat për frymë në vendin tonë janë të pakrahasueshme me ato vende?

Rama: Çmimet e bursës së energjisë në tregun ndërkombëtar ku Shqipëria blen energji, nuk ka të bëjë me dallimet në rroga me Spanjën dhe Gjermaninë. Ne nuk kemi bërë ndonjë krahasim të fuqisë blerëse por kemi informuar mbi influencën e çmimeve të energjisë në bursa ndërkombëtare që ka prekur fuqishëm të gjitha vendet.

Pyetje: Ne e prodhojmë në vend energjinë elektrike dhe nuk e blejmë në bursë, kështu që edhe çmimin mund ta vendosni vetë?!

Edi Rama: Jo i dashur Petrit, ne prodhojmë kur kemi reshje të mjaftueshme për mbushjen e hidrocentraleve dhe blejmë kur kemi thatësirë. Shqipëria është e varur nga tregu ndërkombëtar njësoj si vendet e tjera.

Komentuesi: Ju e keni rritur ekonominë, kështu thatë përpara 3 ditësh.

Rama: Po është e vërtetë. Rritje me 18% në tremujorin e dytë me e larta në rajon. Nëse një koment supozon ironikisht se meqë u rrit ekonomia atëherë duhet të rriteshin pensionet, jo, kjo nuk funksionon kështu. Sepse kjo rritje do të thotë se ekonomia po ringrihet me shpejtësi pas rrëzimit, dhe jo po ngjitet 18% më lartë përpara se të rrëzoheshim.

Komentuesi: Enveri në 40 vite bëri ato centrale që janë dhe sot. Në demokraci 30 vjet nuk keni bërë asnjë. Si nuk ju vjen turp kur dilni para popullit.

Rama: Unë dal përpara popullit dhe ju shoh të gjithëve drejt në sy. Sepse kemi bërë në këto vite, atë që po të ishte bërë me kohë e me vakt, sot do na kishte dhënë mundësi që të kishim halle të tjera, por jo këto halle. Ne e morëm sektorin e energjisë në humnerë dhe sot po e ngjisim atë në nivele më të larta.