Një 42-vjeçar është arrestuar nga shërbimet e Policisë së Kurbinit gjatë një operacioni të koduar “Alias”, pasi u kap me armë zjarri dhe lëndë narkotike në ambientet e një hoteli ku po qëndronte.

Sipas njoftimit zyrtar, në pranga ka rënë shtetasi Andi Krasniqi, alias Andi Lleshi, 42 vjeç, banues në Mamurras. Ai është ndaluar në flagrancë gjatë kontrolleve të ushtruara nga policia.

Gjatë kontrollit në dhomën e hotelit ku qëndronte, policia ka sekuestruar një pistoletë me krehër dhe municion luftarak, ndërsa gjatë kontrollit fizik ndaj tij është gjetur edhe një sasi e dyshuar lënde narkotike kokainë.

Autoritetet bëjnë me dije se janë sekuestruar gjithashtu edhe dy celularë, ndërsa materialet procedurale i janë referuar Prokurorisë së Lezhës për veprime të mëtejshme.