Drejtoria e Përgjithshme e Policisë së Shtetit ka bërë një riformatim të strukturave drejtuese në disa komisariate, me qëllim rritjen e eficiencës dhe forcimin e performancës në punën e policisë në nivel vendor.
Sipas vendimeve të fundit, ndryshimet përfshijnë një sërë emërimesh dhe zhvendosjesh në Tiranë dhe në disa qarqe:
• Kryekomisar Besmir Qibini, nga Shef i Komisariatit të Policisë Kukës, emërohet Shef i Komisariatit nr. 3, Tiranë;
• Komisar Besmir Dervishi, nga Shef i Komisariatit nr. 3, Tiranë, emërohet Shef i Komisariatit nr. 5, Tiranë;
• Kryekomisar Idriz Daulle, nga Shef i Komisariatit nr. 5, Tiranë, emërohet Shef i Komisariatit nr. 7, Tiranë;
• Kryekomisar Ervis Sançolli, nga Shef i Komisariatit Mat, emërohet Shef i Komisariatit Lezhë;
• Kryekomisar Robert Losha, nga Shef i Komisariatit nr. 7, Tiranë, emërohet Shef i Komisariatit Mat;
• Komisar Oltion Gjoni, nga Shef i Komisariatit Lezhë, emërohet Shef i Komisariatit Kukës.
Burime nga Policia e Shtetit bëjnë me dije se këto ndryshime janë pjesë e një procesi të rregullt rotacioni, që synon përmirësimin e menaxhimit operacional dhe rritjen e besimit të qytetarëve në shërbimet policore.
