Mbrëmjen e sotme, një lokal në fshatin Daias të Tiranës është përfshirë nga flakët, duke shkaktuar dëme të konsiderueshme materiale. Pamjet nga vendngjarja tregojnë zjarr masiv që ka “pushtuar” lokalin e ndodhur pranë varrezave të fshatit, duke shkaktuar alarm tek banorët e zonës.
Zjarrfikësit kanë mbërritur menjëherë në vendin e ngjarjes dhe kanë arritur të izolojnë flakët, duke parandaluar përhapjen e mëtejshme të tyre. Megjithatë, ende nuk janë përcaktuar shkaqet dhe rrethanat që çuan në shpërthimin e këtij zjarri. Autoritetet janë duke hetuar për të zbardhur arsyet e incidentit, ndërsa fatmirësisht nuk raportohet për të lënduar.
