Finalja e edicionit të katërt të “Big Brother VIP Kosova” u shoqërua me emocione të forta, surpriza dhe një atmosferë elektrizuese, duke kulmuar me shpalljen e fituesit.

Pas një rrugëtimi të gjatë brenda shtëpisë më të njohur në vend, fitues u bë Londrim Mekaj, i cili rrëmbeu çmimin e madh prej 150 mijë eurosh. Momenti i shpalljes së tij u shoqërua me ovacione, konfeti dhe emocione të papërmbajtura, ndërsa Londrimi falënderoi publikun për mbështetjen e vazhdueshme gjatë gjithë aventurës.

Por vëmendjen e rrjetit e mori reagimi i tij pak orë pas finales, ku fituesi publikoi një imazh nga momentet pas triumfit me mbishkrimin:

“Qeshtu doket njeri me 150k n’xhep”.

Postimi u bë menjëherë viral, duke reflektuar gëzimin dhe lehtësimin pas një edicioni të gjatë dhe intensiv të spektaklit.