Luftëtarët e Wagner u larguan nga Rostovi nën duartrokitjet e turmës dhe të shtënave në ajër. Në një video e cila qarkulloi në Twitter tregon grupe civilësh që rreshtohen në rrugë duke brohoritur për luftëtarët e grupit Wagner që tërhiqen nga Rostovi.

Inteligjenca amerikane ishte në dijeni se Yevgeny Prigozhin, udhëheqësi i grupit mercenar Wagner, po përgatitej të “ndërmerrte veprime ushtarake kundër zyrtarëve të lartë të mbrojtjes ruse”. Kështu raporton New York Times ashtu edhe Washington Post duke cituar disa zyrtarë të informuar për dosjen.

Informacioni i parë për këtë çështje – sipas mediave amerikane – do të mbërrinte rreth “mesit të qershorit”.

Marshimi kreu të Wagner, Yegeny Prigozhin u ndal vetëm 200 km larg Moskës. Prigozhin e nisi sfidën drejtpërdrejt me Vladimir Putin, duke depërtuar në territorin rus me milicitë e tij pa hasur në asnjë rezistencë.

Në mbrëmje, ai njoftoi tërheqjen e tij “për të shmangur një gjakderdhje ruse”. Për Rusinë ishte një ditë dramatike në të cilën vendi dukej se ishte në gjendje të zhytej në një luftë civile.

Ndërkohë bombardimet ruse të Ukrainës vazhdojnë! Gjatë natës ata goditën 9 fshatra në rajonin Sumy dhe qytetin e Nikopol, në rajonin e Dnipropetrovsk, me të paktën një të vdekur.

Administrata ushtarake e rajonit Sumy raportoi në Telegram për granatimet, të cilat ndodhën mbrëmë vonë. Kryetari i këshillit rajonal të Dnipropetrovsk, Mykola Lukashuk, njoftoi se bombat ruse vranë një 71-vjeçar në Nikopol.