Një ngjarje e rëndë është shënuar rreth orës 01:00 të natës në qytetin e Klosit, ku një automjet ka rënë në rrjedhën e një përroi, duke ngritur alarmin për persona të mundshëm të zhdukur.

Ende nuk ka një informacion zyrtar mbi numrin e saktë të personave që ndodheshin në automjet në momentin e aksidentit. Burime nga vendngjarja bëjnë me dije se dyshohet për 2 deri në 3 persona, ndërsa autoritetet po vijojnë verifikimet.

Në vendngjarje ndodhen forcat e policisë, shërbimet e emergjencës si dhe banorë të zonës, të cilët janë angazhuar në kërkime intensive në zonën përreth përroit.

Sipas policisë, drejtuesi i automjetit është identifikuar si Jurgen Karaj, i cili dyshohet se ka humbur kontaktet pas rënies së mjetit në ujë. Kërkimet po vijojnë, ndërsa priten detaje të tjera zyrtare lidhur me rrethanat e ngjarjes.