Një përplasje e fortë është regjistruar mes konkurrenteve në Ferma VIP, ku debati mes Mozës dhe Sarës ka kaluar në tone të ashpra dhe ka përfshirë edhe familjarët.

Gjatë punëve në fermë, Moza i është drejtuar Sarës me fjalët: “Ik në kopsht bashkë me fëmijët e tu”, një deklaratë që ka prekur rëndë këtë të fundit, e cila më pas ka shpërthyer në lot.

Sara e ka akuzuar Mozën për sjellje manipuluese, ndërsa ka theksuar se është ofenduar edhe me terma të tjerë. Nga ana tjetër, Moza është mbrojtur duke thënë se nuk ka pasur si qëllim të përfshijë fëmijët, por vetëm të theksojë, sipas saj, një sjellje “fëminore”.

Në debat kanë ndërhyrë edhe konkurrentë të tjerë, mes tyre Ermali dhe Einxhel, të cilët kanë kritikuar përfshirjen e fëmijëve në diskutim, duke e cilësuar si të papërshtatshme.

“Kur një nëne i preken fëmijët, situata bëhet më e rëndë”, është shprehur Ermali, ndërsa Einxhel ka theksuar se përmendja e tyre është veçanërisht e ndjeshme për një nënë që ndodhet larg tyre.

Debati ka vijuar me tone të tensionuara, ndërsa Sara ka reaguar sërish: “As mos i përshëndet fare! Boll se le nam.”