Higjiena në shtëpi është kthyer në shkak për një debat me tone të ashpra mes Jonida Maliqi dhe Malbora Gurrës, i cili ka vijuar edhe gjatë spektaklit të së hënës.

Teksa u kërkua mendimi i vajzave të tjera, Soni Malaj theksoi se pas çdo veprimi duhet gjetur mënyra e duhur për komunikim, një koment që ndezi më tej situatën.

Në vijim, debati u zhvendos mes dy këngëtareve, duke u shoqëruar me replika dhe akuza të ndërsjella.

“Ti je Soni Malaj, unë jam Jonida Maliqi, mos u krahaso me mua”, u shpreh Jonida, ndërsa përgjigjja e Sonit nuk vonoi: “Unë të krahasohem me ty? Larg qoftë.”

Përplasja ka tërhequr vëmendjen e publikut, ndërsa tensionet në shtëpi duket se po rriten në prag të finaleve.