Krefamiljarja e Kardashians pretendohet se ka kryer ndaj punonjësit të sigurisë provokime seksuale, të cilat u konsideruan prej tij ‘të padëshiruara dhe të pamirëpritura’. Ai ka shprehur se këto veprime kanë ndodhur gjatë kohës kur punonte për sigurinë e saj, një pretendim ky që është konsideruar si “qesharak” nga avokati i Jenner.
Jenner, 64 vjeç, u akuzua për veprime si; masazhimi i qafës, shpatullave dhe mbështetje të dorës në ijet e tij, në pocesin gjyqësor, në Los Angeles.
Gjithashtu, ish-truproja, emri i të cilit nuk është publikuar, pretendon se ylli i “Keeping Up With Kardashians” ekspozonte para tij pjesë të trupit në mënyrë në të pahijshme.
Avokati i Jenner, Marty Singer, lëshoi një deklaratë në faqen TMZ, duke mohuar me forcë akuzat. Singer, është një avokat i Hollywood-it, i njohur për mbrojtjen e të pasurve dhe të famshmëve. Në deklaratën e tij ai u shpreh se klientja e tij kishte shumë pak ndërveprim me këtë punonjës, pasi ai punonte jashtë shtëpisë dhe nuk hyri kurrë në shtëpinë e Kris Jenner.
