28.5 C
Tiranë
Saturday, May 18, 2024
spot_img

Shannen Doherty, tumori nuk po ngadalëson: “Do të xhirojë video mesazhe për miqtë e mi, për ti përshëndetur kur të mos jem më”

“Po mendoj të xhiroj videomesazhe për të përshëndetur miqtë e mi të dashur kur të mos jem më’. Shannen Doherty vazhdon të luftojë kundër kancerit, pas lajmit se shfaqjes sërish të tumorit në fillim të 2020. Ish Brenda e ‘Beverly Hills 90210’ në një intervistë të gjatë për Elle Magazine, ka folur për tumorin. ‘Sa herë që vjen momenti duket shumë përfundimtare dhe e parevokueshme.

Është e vështirë të vendosësh pikë në ekzistencën tënde kur e ndjen që mund të jetosh edhe 10 apo 15 vjet të tjera’, ka rrëfyer aktorja.

‘Akoma nuk kam filluar të shkruaj letra të rëndësishme, por e di që duhet ti bëj. Ka akoma gjëra që duhet t’i tregoj nënës time dhe dua që bashkëshorti im ta dijë atë çfarë përfaqëson për mua’, tregon për Elle Magazine, e cila ka publikuar edhe disa foto të Shannen.

Doherty u diagnostikua me një tumor në gji në mars të 2015. Pas një lufte që zgjati 2 vjet ajo njoftoi që kanceri ishte zhdukur. Por në shkurt të 2020 sëmundja u kthye sërish, duke arritur sot në stad të katërt dhe duke detyruar aktoren të vazhdojë me terapi dhe kurime. ‘Po përpiqem të çmoj të gjitha gjërat e vogla që zakonisht njerëzit nuk i shohin dhe i nënvlerësojnë. Gjërat e vogla janë të mrekullueshme. Kemi një pus pafund prapa nesh dhe ne duhet vetëm të gërmojmë për të gjetur forcën për të përballuar vështirësitë dhe mënyrën për të parë gjërat e bukura’, shpjegon Shannen. Për Elle ajo tregon edhe se si ja ka dhënë lajmin miqve të saj më të mirë, duke i ftuar në shtëpinë e marrë me qira në Venice, pasi vila në Malibu ku jetonte ishte djegur nga zjarret që kishin goditur Californinë disa muaj më parë.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT