Kryeministri izraelit, Benjamin Netanyahu, ka mbajtur një fjalim pas hyrjes në fuqi të marrëveshjes së armëpushimit në Gaza, duke konfirmuar se trupat izraelite do të qëndrojnë në territor për të vazhduar presionin mbi Hamasin derisa grupi të çarmatoset.
Ushtria aktualisht po ripozicionohet në vijën fillestare të tërheqjes së dakordësuar, sipas marrëveshjes së armëpushimit. Netanyahu nënvizoi se qëndrimi në Gaza ka për qëllim të “kapë Hamasin nga të gjitha anët” në përgatitje për fazat e ardhshme të planit të paqes të Donald Trump, që parashikon çarmatosjen e grupit dhe çmilitarizimin e qeverisë në Gaza.
“Nëse kjo arrihet në mënyrën e lehtë – kështu qoftë; nëse jo – do të arrihet në mënyrën e vështirë,” tha Netanyahu, duke nënvizuar vendosmërinë e Izraelit për të zbatuar fazën e dytë të planit.
