Një dëshmitar ka parë të gjithë aksidentin e rëndë që ndodhi mesditën e sotme në Fushë Kuqe. Ismajl Ismaili, rreth 60 vjeç kishte dalë nga shtëpia me zetor për të shkuar të punojë tokën dhe 21 vjeçari pasagjer ishte punëtori i tij.
Nuk dihet cili ka qenë shkaku që 60-vjeçari humbi kontrollin dhe ra në kanal.
Kishte qenë djali i tij nga Belgjika që kishte hyrë në ujë për t’i dhënë ndihmën e parë, por viktimat kishin humbur jetën.
“Sapo morëm vesh që ka rënë zetori, dolën. Djali im që ka ardhur nga Belgjika u fut deri në mes në llucë e ujë, preku këmbën e njërit që ishte poshtë gomave. Zetori ishte përmbys. Ata kishin zënë përmbys. Nga shtëpia po shkonin tek toka të punonin. Ai merrej me bostan, djali ishte hallexhi, e merrte në punë,” thotë banori i zonës.
