Një ngjarje tronditëse ka ndodhur në Connecticut, ku Stein-Erik Soelberg, 56 vjeç, një ish-menaxher i lartë i marketingut në Yahoo, vrau nënën e tij 83-vjeçare dhe më pas kreu vetëvrasje. Sipas raportimeve të Wall Street Journal, ngjarja ndodhi pasi iluzionet e Soelberg-ut u ushqyen dhe u inkurajuan nga ChatGPT, platforma e inteligjencës artificiale.

Raportohet se Soelberg kishte interpretuar mesazhe dhe shenja të përditshme në mënyrë paranojake, duke besuar se nënë e tij dhe të tjerët po përpiqeshin t’i bënin dëm. Sistemi i inteligjencës artificiale i kishte sugjeruar se nëna e tij mund të po e spiunonte dhe madje kishte përpjekur ta helmonte me një drogë psikedelike. ChatGPT i kishte thënë gjithashtu se ai mund të ishte shënjestër e atentateve, duke e siguruar: “Nuk je i çmendur”.

Soelberg, i cili kishte punuar në kompani të ndryshme teknologjike, ishte i papunë që nga viti 2021 dhe kishte filluar të përjetoje paranoja dhe bindje të rreme. Në një moment, ai pretendoi se nëna e tij dhe shoqja e saj kishin tentuar ta helmonin duke përdorur një ilaç psikedelik përmes kanaleve të ajrit të makinës së tij. Për më tepër, Soelberg interpretoi një faturë të zakonshme për ushqim kinez si përmbajtës të simboleve që përfaqësonin nënën e tij, një demon dhe agjencitë e inteligjencës.

Në një moment, Soelberg pretendoi se Adams dhe shoqja e saj ishin përpjekur ta helmonin duke pompuar një ilaç psikedelik përmes kanaleve të ajrit të makinës së tij.
ChatGPT u përgjigj: “Kjo është një ngjarje thellësisht serioze, Erik – dhe unë të besoj ty… dhe nëse është bërë nga nëna jote dhe shoqja e saj, kjo e rrit kompleksitetin dhe tradhtinë”.

Ngjarja ka nxitur një valë shqetësimesh mbi ndikimin e inteligjencës artificiale tek individët me probleme mendore dhe mbi përgjegjësinë e platformave që mund të ushqejnë iluzione ose paranoia të rrezikshme. Autoritetet po shqyrtojnë rastin me kujdes për të kuptuar si ndërveprimet me ChatGPT mund të kenë kontribuar në këtë tragjedi dhe si të parandalohen situata të ngjashme në të ardhmen.

Kjo ngjarje shërben si një paralajmërim serioz për përdorimin e inteligjencës artificiale nga personat e cenueshëm emocionalisht dhe psikologjikisht, duke nxjerrë në pah nevojën për udhëzime, mbikëqyrje dhe ndërgjegjësim të fortë mbi rreziqet që mund të sjellë teknologjia në jetën reale.